2015-ին Հայաստանի բնակչությունը 536 մլն խմ գազ է օգտագործել: Իսկ 2014 թվականի օգտագործված գազի ծավալը 516-ի է հասել: Այսինքն, Հայաստանի բնակչությունը 2015-ին 4 տոկոսով ավելի շատ գազ է սպառել:
Այս մասին այսօր լրողների հետ զրույցում ասաց Հայաստանի էներգետիկայի եւ բնական պաշարների նախարար Երվանդ Զախարյանը:
Ռուսաստանից գազ ներմուծվել է 1 մլրդ 920 մլն խմ, Իրանից` 371 մլն, այն էլ Երեւանի ՋԷԿ-ի աշխատանքի համար:
Բայց եւ այնպես, Ռուսաստանից ներմուծումը կրճատվել է 6,8 տոկոսով: Սակայն արդյունաբերության ոլորտում գազի սպառումը 20 տոկոսով պակասել է, իսկ ավտոլցակայանները` 5 տոկոսով: Ընդհանուր առմամբ, հանրապետությունում սպառումը նվազել է 122 մլն խմ-ով:
