Մեծ Բրիտանիայի Համայնքների պալատի (Բրիտանիայի խորհրդարանի ստորին պալատը) փոխխոսնակ Նայջել Էվանսը հերքում է իրեն առաջադրված բոլոր մեղադրանքները, հայտնում է Sky News հեռուստաալիքը:
«Այդ մեղադրանքները ոչ մի ընդհանուր բան չունեն իրականության հետ: Ես պազապես չգիտեմ, թե ինչի են դրանք հնչել»,- ասել է Էվանսը լրագրողներին, որոնք հավաքվել էին Անգլիայի Լանկաշիր կոմսության Փենդլթոն գյուղի նրա տան մոտ:
Նա հաստատել է, որ ավելի վաղ՝ այսօր ցերեկը կալանավորվել է ու հարցաքննվել է ոստիկանությունում «երկու հայցերի վերաբերյալ»:
Ընդ որում՝ ենթադրյալ իրավախախտումը, մեղադրանքներից մեկի համաձայն, «կատարվել է 4 տարի առաջ»: «Այդ մեղադրանքները հնչել են այն մարդկանց շուրթերից, որոնք լավ են ճանաչում միմյանց, ու որոնց ես մինչ երեկ համարում էի իմ ընկերները»,- հայտնել է Էվանսը:
Ոստիկանությունը 55-ամյա քաղաքական գործչին կասկածում է երկու երիտասարդ մարդկանց նկատմամբ սեքսուալ բռնություն կիրառելու մեջ: Նախնական տվյալների համաձայն՝ այդ դեպքերը տեղի են ունեցել 2009 թ. հուլիսից մինչև այս տարվա մարտն ընկած ժամանակահատվածում։
