RIA Nօvosti-ն ներկայացնում է 2016-ին աշխարհում սպասվող գլխավոր իրադարձությունները:
Սիրիա. Անցումային վիճակ
2016 թվականը պետք է որոշիչ լինի սիրիական հակամարտության կարգավորման համար: Համենայնդեպս, այդպես է կարծում «վիեննական խումբը»՝ ՄԱԿ-ը, ԱՄՆ-ը, ՌԴ-ն, Գերմանիան, Ֆրանսիան, Մեծ Բրիտանիան, Սաուդյան Արաբիան, Թուրքիան, Իրանը, նաև մի շարք այլ տարածաշրջանային խաղացողներ ու կազմակերպություններ: 2015թ. Վիեննայում մի քանի հանդիպումների արդյունքում նրանք նշել են, այսպես կոչված, անցումային շրջանի հիմնական պարամետրերը. 6 ամիս Սիրիայի իշխանությունները և ընդդիմությունը պետք է պայմանավորվեն ազգային միասնության կառավարության ձևավորման մասին, իսկ 18 ամսվա ընթացքում Սիրիայում պետք է ընտրություններ անցկացվեն:
Սիրիական հարցի կարգավորման մեջ կարևոր դեր ունի նաև ՄԱԿ-ի աջակցությունը:
ԴԱԻՇ-ը՝ հարվածի տակ
Սեպտեմբերի 30-ից Սիրիայի իշխանությունների խնդրանքով Ռուսաստանն ավիահարվածներ է հասցնում այդ երկրում ԴԱԻՇ-ի գրոհայինների դիրքերի ուղղությամբ:
Միաժամանակ, նոյեմբերի վերջին սիրիական հող առաջին անգամ ոտք են դրել ԱՄՆ հատուկ նշանակության ջոկատները: Միաժամանակ, Սիրիայում գործողությանը գերմանացի զինվորականների մասնակցության հարցն է քննարկում Գերմանիայի բունդեսթագը: ՆԱՏՕ-ի երկրների ցամաքային գործողությունները ևս կարող են կարևոր դեր խաղալ տարածաշրջանում:
Թուրքիան՝ արգելքի տակ
Ռուսաստանի և Թուրքայի կտրուկ վատացած հարաբերությունները հանգեցրել են Թուրքիայի դեմ ռուսական կողմից մի շարք տնտեսական պատժամիջոցների սահմանման:
Ըստ վերլուծաբանների՝ պետք չէ 2016-ին երկու երկրների հարաբերությունների ջերմացում սպասել:
Կնոջ գործ
2016թ. վերջին սպառվում է ՄԱԿ-ի ներկայիս գլխավոր քարտուղար Պան Գի Մունի լիազորությունների ժամկետը: Մինչ այդ ԱԽ խորհրդատվության հարցերով Գլխավոր ասամբլեան պետք է կազմակերպության նոր ղեկավար ընտրի: Բացառված չէ, որ տարածաշրջանային ռոտացիայի սկզբունքից ելնելով՝ այդ պաշտոնն առաջին անգամ զբաղեցնի Արևելյան Եվրոպայի ներկայացուցիչ: Ավելին՝ հնարավոր է՝ պատմության մեջ առաջին անգամ ՄԱԿ-ը կին գլխավորի. թեկնածուների մեջ նշում են Լիտվայի նախագահ Դալյա Գրիբաուսկայտի, ՅՈՒՆԵՍԿՕ-ի գլխավոր տնօրեն Իրինա Բոլովայի և Եվրահանձնաժողովի անդամ Կրիստալինա Գեորգիևայի անունները:
Սպիտակ տանը՝ նոր բնակիչ
Բարաք Օբաման ԱՄՆ օրենսդրության համաձայն՝ չի կարողանա նորից առաջադրվել ԱՄՆ նախագահական ընտրություններում: Նախագահական ընտրությունները տեղի կունենան 2016թ. նոյեմբերին:
Ներկայում ԱՄՆ նախագահի պաշտոնի համար պայքարում են արդեն ավելի քան 2 տասնյակ քաղաքական գործիչներ: Նախագահի պաշտոնի համար պայքարում առաջատար են ԱՄՆ նախկին պետքարտուղար, դեմոկրատ Հիլարի Քլինթոնը, հանրապետականներ՝ միլիարդատեր Դոնալդ Թրամփը, սենատոր Մարկո Ռուբիոն, բժիշկ Բեն Քարսոնը:
Կարգավորում Ուկրաինայում. բանակցությունները կշարունակվեն
Ուկրաինայի արևելքում իրավիճակի խաղաղ կարգավորման գործընթացը չի ավարտվել 2015թ., ինչպես նախատեսվում էր Մինսկի պայմանավորվածություններով:
Ռուսաստան + ԵՄ = բարեկամությո՞ւն
2016 թ. ամենասպասված իրադարձություններից մեկը Ռուսաստանի և ԵՄ-ի հարաբերությունների նորմալացումն է:
ՌԴ-ՆԱՏՕ խորհուրդ. վերականգնել, չի կարելի քանդել
ՆԱՏՕ-ում գնալով հաճախակիանում են խոսակցությունները, որ Մոսկվայի հետ սերտ համագործակցությունը պետք է վերականգնել: Հատկապես ՌԴ-ՆԱՏՕ խորհրդի գծով, որի աշխատանքը սառեցվել է 2014թ. Ուկրաինայում իրավիճակի հետ կապված:
Իրանի համար դռները կբացվեն
Իրանի միջուկային խնդրի լուծման բազմամյա փորձերից հետո 2015թ. համաձայնագրի ձեռք բերումը ճանապարհ է բացել Իրանի դեմ պատժամիջոցների չեղարկման համար, որոնք զգալիորեն վնասել են երկրի տնտեսությունը:
Հ Մոլդովայում հանրաքվեն՝ որպես ելք քաղաքական ճգնաժամից
Մոլդովան շարունակում է ցնցել երկրի ժամանակակից պատմության ուժեղագույն ճգնաժամը, որի ելքը կարող է լինել երկրի քաղաքական համակարգի լուրջ վերափոխումը:
Նոյեմբերի 20-ին գրանցվել է հանրաքվեի անցկացման նախաձեռնող խումբ, Մոլդովայի օրենսդրության համաձայն՝ Սահմանադրությունը կփոխվի 2016թ. մայիսի 20-ից ոչ շուտ, իսկ հանրաքվեի ստույգ ամսաթիվը կնշանակի խորհրդարանը:
Պայմանավորվել են Անդրխաղաղօվկիանոսյան գործընկերության շրջանակներում
Անդրխաղաղօվկիանոսյան գործընկերության վերաբերյալ բանակցությունների մասնակից երկրները, որի գումարային ՀՆԱ-ն կազմում է համաշխարհայինի 40%-ը, ծրագրում են փետրվարին վերջնական համաձայնագիր ստորագրել ազատ առևտրի մասշտաբային գոտու ստեղծման վերաբերյալ:
