Բոստոնի ահաբեկչության իրականացման մեջ կասկածվող Թամերան Ցարնաևը դարձել է արմատական իսլամի հետևորդ 2009 թվականին: Այս մասին գրում է The Sun-ը՝ հղում անելով Ցարնաևի նախկին սիրելիին:
Նադին Ասցենսաոյի խոսքով՝ ինքը Թամերլանի հետ սկսել է հանդիպել 2006 թվականին, երբ ինքը 17 տարեկան էր: Նա շատ ընկերական երիտասարդ էր, չէր խուսափում թեթև թմրանյութերից: Սակայն երեք տարում նրանց հարաբերությունները կտրուկ փոխվեցին: Թամերլանը սկսել էր ակտիվորեն իսլամ ուսումնասիրել, նա սկսել էր ագրեսիվ դառնալ: Տղամարդը բազմիցս ծեծել է իր ընկերուհուն՝ նրանից պահանջելով հետևել կանանց համար շարիաթով նախատեսվող վարքի խիստ կանոններին: Աղջիկը մի անգամ նույնիսկ դիմել է ոստիկանություն, սակայն ավելի ուշ դատարանը նրա վրայից հանել է մեղադրանքները:
Թամերլանը շարունակ Նադինից պահանջել է իսլամ ընդունել: Սիրահարված աղջիկը լրջորեն մտածել է նման քայլի դիմելու մասին: Նրան գնալով ավելի ու ավելի շատ է վախեցրել Ցարնաևի մոտ աճող արմատականությունը: Ցարնաևը նույնիսկ հրաժարվել է նրա հետ ինտիմ կապից՝ պատճառաբանելով, որ երիտասարդները չեն ամուսնանում: Աղջիկը վերջնականապես հրաժարվել է նրանից այն ժամանակ, երբ իրեն հայտնի է դարձել, որ Ցարնաևը հանդիպում է Քեթրին Ռասելի հետ: Վերջինս իսլամ էր ընդունել, ամուսնացել էր Ցարնաևի հետ և երեխա ունեցել:
Այն մասին, թե կոնկրետ ով է ազդել Թամերլանի արմատական հայացքների ձևավորման վրա՝ Նադինը չի պատմել:
