«Հրապարակ» օրաթերթը գրում է. «30 հազար դրամանոց «սպարտիվկայի» համար քրեական հետապնդման ենթարկվող և աշխատանքից ազատված «Վարդաշեն» ՔԿՀ նախկին պետ Մանուկ Պողոսյանը թերևս շուտով պաշտոն ստանա: Մեր տեղեկություններով, նրա ընկերը՝ գլխավոր դատախազ Գևորգ Կոստանյանը, ամեն ինչ արել է, որ ոչ միայն նրան չպատժեն, այլև փոխհատուցվեն իր հետ ընկերության պատճառով կրած «անհարմարությունները»:
Մեր աղբյուրները հայտնեցին, որ առաջիկայում Մանուկ Պողոսյանը նշանակվելու է «Աբովյան» ՔԿՀ պետ: Ավելի վաղ հայտնել էինք, որ ՀՔԾ-ում ՀՀ քրօր. 311-րդ հոդվածով հարուցված քրգործի շրջանակներում նրա մեղադրանքը փոխվել է, մեղադրանք է առաջադրվել 308-րդ հոդվածով․ եթե նախկինում մեղադրվում էր կաշառք ստանալու համար, ապա այժմ՝ պաշտոնեական դիրքի չարաշահման, որն ավելի թեթև հոդված է: Չի բացառվում, որ այս մեղադրանքով նա ընդամենը նկատողություն ստանա։ Ի դեպ, Պողոսյանի պաշտոնում արդեն նշանակվել է Հովիկ Հակոբջանյանը, որը համակարգի հնաբնակներից է, աշխատել է «Նուբարաշեն» ՔԿՀ-ում՝ որպես օպերգծով բաժնի պետ, ապա՝ «Վարդաշենի» պետի տեղակալ»:
Մանրամասները՝ թերթի այսօրվա համարում:
Լուսանկարը՝ Photolure-ի
