Կանադայի բնակչուհի Մարիա Կարրեյրոն վիճակախաղում 40 միլիոն դոլար է շահել, տեղեկացնում է CBC News-ը: 51-ամյա կինն ապրիլի 5-ին շահել է Lotto Max վիճակախաղի ջեքփոթը: Ապրիլի 8-ին Ontario Lottery and Gaming Corporation ընկերությունը նրան պաշտոնապես շահող է հայտարարել:
Կարրեյրոն խոստովանել է, որ երբ ստուգել է իր տոմսը, չի հասկացել, թե ինչ գումար է շահել, սկզբում կարծել է, թե խոսքը 40 հազար դոլարի մասին է: Կինը նշել է, որ այդ լուրը ցնցել է իրեն:
Օնտարիոյի բնակչուհին և նրա ամուսինը չեն հավատացել, որ շահել են, մինչև վիճակախաղի կազմակերպիչները չեն հաստատել: Դրանից հետո ամուսինը հայտարարել է, որ մտադիր է թողնել աշխատանքը:
Կարրեյրոն լրագրողներին պատմել է, որ պատրաստվում է շահումն ընտանիքի հետ ռեստորանում նշել, իսկ հետագա անելիքների մասն դեռ չի մտածել:
BBC News-ը կազմում է Lottery and Gaming Corporation-ի վիճակագրությունը, որի տվյալների համաձայն՝ մեկ միլիոն և ավել շահած մարդկանց 60 տոկոսը սկզբում վճարում է պարտքերը, 56 տոկոսը հանգստանալու է մեկնում, 36 տոկոսը նոր տուն է գնում և 43 տոկոսը թողնում է աշխատանքը կամ փոխում է այն:
