Աշխարհի ամենից շատ վաճառվող բջջային հեռախոսը, PhoneArena ռեսուրսի տվյալներով, Nokia 1100-ն է: Այն աշխարհում ցրվել է 250 մլն օրինակով և շուկայում եղել է ժամանակակից թվային էլեկտրոնիկայի հաշվարկով՝ երկար 5 տարի:
Nokia 1100-ը ներկայացվել է 2003թ., շուկայից հանվել է 2009թ.:
Հեռախոսն ունի միագույն էկրան 96×65 կետայնությամբ, ներդրված լապտեր, կորպուսի չսահող մակերես, փոշուց պաշտպանված ստեղնաշար և նախապես ներդրված «Օձ» խաղ: Սարքի հիշողության ծավալը հնարավորություն է տվել պահել մինչև 50 կոնտակտ և նույնքան հաղորդագրություն (25 ստացված և 25 ուղարկված): 850 մԱ.ժ ծավալի մարտկոցով այն կարող է աշխատել մինչև 400 ժամ սպասման ռեժիմում և 4.5 ժամ խոսակցության ռեժիմում: Nokia 1100-ն արժեր 100 դոլար:
