Euromag-ի փոխանցմամբ՝ Լոնդոնը վերադարձրել է համաշխարհային ֆինանսական խոշորագույն կենտրոնի կարգավիճակը, որը նա առաջին անգամ Նյու Յորքին զիջել է 2014 թվականի սկզբին։ Այդ մասին հայտնել է Z/Yen Group ֆինանսական ընկերությունը, որը կես տարին մեկ անգամ հրապարակում է Global Financial Centres Index-ը (GFCI)։
2015 թվականի գարնանը Լոնդոնի ու Նյու Յորքի միջև տարբերությունը կրճատվել էր մինչև մեկ կետ՝ հօգուտ Նյու Յորքի, իսկ աշնանը Լոնդոնն իր ամերիկյան մրցակցին գերազանցել է միանգամից 12 կետով։ Մոսկվան ու Սանկտ Պետերբուրգը տվյալ վարկանիշային աղյուսակում նահանջել են համապատասխանաբար՝ 78-րդ ու 81-րդ հորիզոնականներ։ Ֆինանսական կենտրոնների թվում հակառեկորդ է սահմանել Սաուդյան Արաբիայի մայրաքաղաք Էր-Ռիյադը, որը 43-րդ հորիզոնականից նահանջել է միանգամից 57-րդ հորիզոնական։
