Երկրի վրայի ամենահզոր լազերի ստեղծման գլխավոր նպատակներից մեկը էներգիայի անսպառ աղբյուրի մշակումն է: Այս մասին RT-ին տված հարցազրույցում ասել է ֆիզիկոս Հիրոշի Ազեչին՝ Օսակայի համալսարանից, որտեղ մշակվել է յուրահատուկ սարքավորումը:
Մոլորակի ամենահզոր լազերի ստեղծման մասին հայտնի է դարձել այս ամառ: Ճապոնացի գիտնականների հրապարակած տվյալների համաձայն՝ սարքավորումը կարող է 2 տրլն վատտ հզորությամբ ազդակ տալ: Ճիշտ է՝ այդ ազդակը տևում է ընդամենը պիկովայրկյան՝ մեկ տրիլիոներորդ վայրկյան:
Սարքավորումն անվանել են LFEX (Laser for Fast Ignition Experiments): Դրա երկարությունը մոտ 100 մ է: Գերհզոր ազդակով փորձերը կատարվել են 2014 թ. վերջից, 2015 թ. հուլիսին ռեկորդային ցուցանիշերը պաշտոնապես հաստատվել են:
Ազեչին նշում է, որ լազերը կօգնի «ջերմամիջուկային գրգռում ստանալ, որն ապագայում կարող է օգտագործվել որպես էներգիայի աղբյուր»:
«Գիտնականների վերջնական նպատակն է էկոլոգիական սարքավորում ստեղծել՝ «փոքր Արև»»: Այն կօգնի «անսպառ էներգիա մշակել» լաբորատորիայում, նաև կնպաստի «Արևի կամ ցանկացած մոլորակի միջուկի աշխատանքի ուսումնասիրության գործում»:
