ԱՄՆ նախագահ Բարաք Օբաման Իսրայելին խոստացել է հակահրթիռային պաշտպանության ծրագրի անխափան ֆինանսավորում, որի ծավալն այս տարի կկազմի 200 միլիոն դոլար՝ հաղորդում է RIA Novosti-ն:
Բացի այդ՝ նա հաղորդել է, որ ԱՄՆ-ը մտադիր է մինչև 2027թ. երկարաձգել հրեական պետությանը ռազմական օգնություն ցուցաբերելու գործող համաձայնագրերը:
Իսրայելի վարչապետ Բենիամին Նեթանյահուի հետ բանակցություններից հետո Երուսաղեմում ելույթ ունենալիս Օբաման «աննախադեպ է» անվանել երկու երկրների համագործակցության ներկայիս մասշտաբները պաշտպանության ոլորտում:
«Իսրայելի անվտանգության հանդեպ մեր երկարատև պարտականությունների շրջանակներում վարչապետը և ես համաձայնվել ենք սկսել Իսրայելին ցուցաբերվող ռազմական օգնությունը երկարաձգելու մասին խորհրդակցություններ»,- ասել է Օբաման:
ԱՄՆ նախագահը հավաստիացրել է, որ բյուջեի հետ կապված ներկայիս բարդությունները չեն ազդի ամերիկա-իսրայելական համատեղ նախագծերից ոչ մեկի վրա:
