Ֆլորիդա նահանգի Սարասոտա քաղաքում մի անտուն բավական հայտնի է դարձել իր տաղանդը ցույց տալուց հետո, հայտնում է marketium.ru-ն: Իսկ երբ նրա մասնակցությամբ տեսանյութը տեղադրել են Facebook-ում, դաշնամուրով նրա հրաշալի նվագի երկրպագուների թիվը գերազանցել է 1 մլն-ը:
Ամեն օր 51-ամյա Դոնալդ Գուլդը Sarasota Keys նախագծի շրջանակներում նվագում է քաղաքում տեղադրված 7 դաշնամուրներից մեկի վրա: Ոչ կոմերցիոն նախաձեռնության նպատակն է Սարասոտայում տարածել արվեստն ու կենդանի երաժշտությունը: Իսկ անտուն դաշնակահարն այնքան վառ է հույզերը փոխանցում յուրաքանչյուր նոտայով, որ նրա տաղանդն արդեն հիացնում է նաև քաղաքի սահմաններից դուրս: «Սա իմ կիրքն է: Ես պարզապես ուզում եմ մարդկանց երջանկացնել, երբ նվագում եմ… Իսկ գլխարկը ես դրել եմ լսողներից աջակցություն ստանալու հույսով, քանի որ ես անտուն եմ»,- ասում է դաշնակահարը:
Դոնալդի կյանքը բարդ է եղել. նա նախկին ծովային հետևակային է, որը կյանքի բարդ դպրոց է անցել: 1998թ. նրա կինը մահացել է, իսկ որդուն վերցրել են սոցիալական ծառայությունները Գուլդի թմրամոլության պատճառով: «Ամեն օր ես ցավով մտածում եմ որդուս մասին: Նա արդեն մեծացել է, և ես երազում եմ, որ նա կգա ու ինձ կգտնի»:
Ինչ վերաբերում է իր հանկարծակի հաջողությանը՝ Գուլդը մինչև հիմա չի կարողանում հավատալ դրան. «Դա ինձ համար անսպասելի էր… Ես պարզապես լաց եմ լինում երջանկությունից, որ պետք եմ»:
https://youtu.be/JCguq3hTC2M
