Վաղը Facebook-ը խոշոր մամլո ասուլիս կանցկացնի, որի ժամանակ կներկայացնի կայքի նոր գործառույթները: Մասշտաբային նորարարությունը վերաբերում է սոցցանցի նորությունների ժապավենին, որը փոփոխության չի ենթարկվել 2006 թվականից:
Այն կբաժանեն մի քանի հոսքերի, օրինակ՝ լուսանկարների ու Instagram-ի ֆոտոխմբագրումների, ընտրված էջերի կամ երաժշտության: Այս մասին հայտնում է TechCrunch-ը՝ հղում անելով ինչպես ընկերության, այնպես էլ դրան մոտ գտնվող աղբյուրներին:
Սպասվում է, որ նորությունների ժապավենի ֆիլտրեր կհայտնվեն նաև սոցցանցի բջջային տարբերակում:
Կայքում արդեն կան բովանդակության սահմանազատման հնարավորություններ, սակայն դրանք քիչ նկատելի են: Օրինակ՝ երաժշտության ժապավենը, որից կարելի է իմանալ, թե ինչ են լսում ընկերները, տեղեկանալ նոր ալբոմների ու համերգների մասին, գոյություն ունի 2011-ի սեպտեմբերից, սակայն այն գտնելը բավականին դժվար է: Այն գտնվում է էջի ձախ հատվածում՝ «Հավելվածներ» բաժնում: