Գիշերը հյուրանոցում 67 հազար դոլարո՞վ: Այդ գումարը ավելին է, քան եվրոպական ոչ շատ աղքատ երկրի միջին վիճակագրական բնակչի տարեկան միջին եկամուտը: Սակայն, հարուստ մարդկանց այդպիսի գնով չես վախեցնի: telegraf.com.ua-ը առաջարկում է նայել, թե ներսից ինչպիսի տեսք ունեն աշխարհի 10 ամենաթանկարժեք լյուքս համարները:
1. Connaught Hotel-ի համարը Լոնդոնում: Գիշերվա համար միջին գինը 23.5 հազար դոլար է: Այն ունի երկու ննջասենյակ 285 քառ.մետր տարածքով: Տրվում է նաև անձնական ծառայող, ով կօգնի կազմակերպելու ճոխ տոնական միջոցառում:
2.Նախագահական լյուքս իտալական Պորտո Չերվո քաղաքի Cala di Volpeհյուրանոցում: Գիշերվա համար միջին գինը 26 հազար դոլար է: Այն ունի երեք ննջասենյակ, արևաբուժարան, մարզադահլիճ և մեծ լողավազան՝ 450 քառ.մետր ընդհանուր տարածքով:
3.Ճոխ Shangri-La համարներ Ստամբուլի Shangri-La Bosphorus հյուրանոցում: Գիշերվա համար միջին գինը 26385 դոլար է: Հյուրանոցի վեցերորդ հարկում գտնվող միակ համարում 366 քառ․մետր տարածքով կա 2 ննջասենյակ, 3 պատշգամբ, մարմարյա լողասենյակներ և հեռուստացույց, որը միացած է հայելուն:
4.Նախագահական լյուքս Չինաստանի Շանհայ քաղաքի Mandarin Oriental հյուրանոցում: Գիշերվա համար միջին գինը 26.45 հազար դոլար է: 788 քառ.մետր տարածքով համարները զբաղեցնում են համարյա ամբողջ 25-րդ հարկը: Այն ունի 2 ննջարան, գինու մառան, խոհանոց, ճաշասենյակ և լողասենյակ 50 քառ․մետր տարածքով:
5.Թագավորական լյուքս Փարիզի Hôtel Plaza Athénée հյուրանոցում: Գիշերվա համար միջին գինը 27 հազար դոլար է, և զբաղեցնում է 450 քառ.մետր տարածք:
6.Թագավորական վիլա Աթենքի Grand Resort Lagonissi հյուրանոցում: Գիշերվա համար միջին գինը 35 հազար դոլար է, և զբաղեցնում է 410 քառ.մետր տարածք: Այստեղ հանգստացել են Լեոնարդո դի Կապրիոն, Մել Գիպսոնը:
7.Համարներ Ֆրանսիայի Կանն քաղաքի Grand Hyatt Cannes Hôtel Martinez հյուրանոցում: Գիշերվա համար միջին գինը 37.5 հազար դոլար է, և զբաղեցնում է 180 քառ․մետր տարածք: Հյուրերը կարող են օգտվել նաև 290 քառ.մետր տարածքով մասնավոր պատշգամբից:
8.Մասնավոր վիլա Laucala Island Resort Ֆիջիում: Գիշերվա համար միջին գինը 40 հազար դոլար է, և զբաղեցնում է 1200 քառ․մետր տարածք: Դրա տերը միլիարդատեր Dietrick Mateschitz-ն է: Այն ունի իր լողափը:
9.Համարներ Նյու Յորքի Ty Warner Four Seasons Hotel հյուրանոցում: Գիշերվա համար միջին գինը 45 հազար դոլար է, և զբաղեցնում է 400 քառ.մետր տարածք: Նյու Յորքի ամենաբարձր հյուրանոցային համարն է:
10.Թագավորական համար Շվեյցարիայի Ժնև քաղաքի Hotel President Wilson հյուրանոցում: Գիշերվա համար միջին գինը 67 հազար դոլար է, և զբաղեցնում է 1800 քառ.մետր տարածք: Այս համարում հանգստացել են հայտնի մարդիկ՝ ԱՄՆ-ի նախագահ Բիլ Քլինթոնը, Բիլ Գեյթսը, Ռիչարդ Բրենսոնը և Մայքլ Ջեքսոնը:
