Օրերս հայտնի հեռուստաաստղ Քիմ Քարդաշյանը հարցազրույց է տվել Access Hollywood պորտալին, որում պատմել է Քանյե Ուեսթի հետ իր հարաբերությունների սկզբի մասին:
Քիմն ընդգծել է, որ հենց ինքն է եղել իրենց սիրավեպի նախաձեռնողը՝ այն բանից հետո, երբ բասկետբոլիստ Քրիս Համֆրիսի հետ իր կարճատև ամուսնությունն անհաջողության մատնվեց:
«Ես մոտ կես տարի ազատ էի, այնպես որ մտածում էի՝ իսկ ինչու ոչ: Ես զանգահարեցի Քանյեին՝ իմանալով, որ նրան շատ էր տխրեցրել իմ ամուսնությունը: Ես սպասում էի, որ նա անմիջապես կզանգահարի իմ ամուսնալուծությունից հետո, սակայն նա այդպես էլ չզանգահարեց: Ստիպված եղա ես ամեն ինչ վերցնել իմ ձեռքը»,- ասել է Քիմը:
«Ես զանգահարեցի և ասացի նրան. «Ողջույն: Ես կարծում էի՝ դու կզանգես ինձ և ինչ-որ բան կասես»: Դրանից հետո նա ինձ հրավիրեց Փարիզ՝ նորաձևության ցուցադրության, որտեղ էլ տեղի ունեցավ կախարդանքը։
Ես սկզբում պատրաստ չէի նետվելու նոր հարաբերությունների գիրկը, բայց հետո մտածեցի՝ գուցե հենց սրա՞ն էի ես սպասում իմ ամբողջ կյանքում»,- հավելել է Քիմը։
Հիշեցնենք. Քանյե Ուեսթն ու Քիմ Քարդաշյանը ամուսնացել են 2014-ին։ Մինչ այդ Քիմը երկու անգամ ամուսնացած է եղել։
