Աջափնյակի 6.05 ընտրատեղամասում ընտրությունը սկսվել է ժամը 08.00-ին: Դեռևս ընտրախախտումներ, թանաքի հետ կապված խնդիրներ դեռ չեն առաջացել: Ինչպես «Առաջին լրատվական»-ի հետ զրույցում նշեցհանձնաժողովի նախագահ Գայանե Մարգարյանը՝ 6/05 առաջին նիստն իրականացրել են ժամը 07.00-ին:
«Քվեարկությունը սկսել ենք ժամը 08.00-ին: Բոլոր ութ անդամները ներկա են եղել, նորմալ ձևով սկսվելէ:Հուսով եմ՝ այսպես էլ կշարունակվի՝ հանգիստ, խաղաղ, նորմալ մթնոլորտ է: Ոչ մի խնդիր չունենք այս պահի դրությամբ, ամեն ինչը նորմալ է»,- նշեց Գայանե Մարգարյանը:
Հիշեցնենք, որ Հայաստանի նախագահի պաշտոնին հավականում է 7 թեկնածու. ՀՀԿ առաջնորդ, Հայաստանի գործող նախագահ Սերժ Սարգսյանը, «Ժառանգություն» կուսակցության ղեկավար Րաֆֆի Հովհաննիսյանը, «Ազատություն» կուսակցության առաջնորդ, նախկին վարչապետ Հրանտ Բագրատյանը, «Ազգայի ինքնորոշում միավորում» կուսակցության նախագահ Պարույր Հայրիկյանը, «Ռադիո հայ» ընկերության խորհրդի նախագահ, քաղաքագետ Անդրիաս Ղուկասյանը, ԼՂՀ նախկին ԱԳ նախարար Արման Մելիքյանը, և էպոսագետ Վարդան Սեդրակյանը:
Այս ընտրությունները Հայաստանի նորանկախ պատմության ընթացքում 6-րդ նախագահական ընտրություններ են: 1991 թվականին (Լևոն Տեր-Պետրոսյան), 1996 թվականին (Լևոն Տեր-Պետրոսյան), 1998 թվականին (Ռոբերտ Քոչարյան), 2003 թվական (Ռոբերտ Քոչարյան), 2008 թվական (Սերժ Սարգսյան):
