Քորթնի Լավի և Քուրթ Քոբեյնի դուստրը՝ Ֆրենսիս Բին Քոբեյնը, հարցազրույց է տվել Rolling Stone ամսագրին, որում պատմել է հոր մասին, նրա մահվան և ստեղծագործական ժառանգության մասին Montage of Heck փաստագրական ֆիլմի մասին:
Փաստագրական ֆիլմի պրոդյուսերությունը ստանձնած Ֆրենսիսը հայտնել է, որ ֆիլմի հեղինակները ցանկացել են ցույց տալ իրական Քուրթ Քոբեյնին, ոչ թե արտիստի ամրապնդված կերպարը:
«Ես դեմ էի հորս կերպարի ռոմանտիկացմանը, դեմ էի առասպելներ և շշուկներ ցուցադրելուն: Ես հասկանում եմ, որ Քուրթն ընդմիշտ ռոք-խորհրդանիշ կմնա, նա հավերժ 27 տարեկան կլինի: Բայց մենք ուզում էինք նրա պատմությունը պատմել այնպես, ինչպես ինքը դա կաներ»,- ասել է Քոբեյնը:
Աղջկա խոսքով՝ Քոբեյնը չի ցանկացել լեգենդար երաժիշտ դառնալ. «Հայրս շատ հավակնոտ էր, նա աշխատել է խմբի հաջողության համար, բայց երբեք չի երազել, որ իրեն «սերնդի ձայն» անվանեն»: Հետաքրքիր է, որ Ֆրենսիսը Nirvana խմբի երկրպագու չէ:
«Ինձ այնքան էլ դուր չի գալիս նրանց երաժշտությունը, թերևս, մի քանի երգ»,- ասել է Ֆրենսիսը:
Montage of Heck-ի պրեմիերան նախատեսվում է 2015 թ.:
Հիշեցնենք՝ Քուրթ Քոբեյնը մահացել է 1994 թ. ապրիլին: Երաժշտի մահվան հիմնական վարկածն ինքնասպանությունն է: Չնայած դրան՝ սպանության մասին ենթադրությունը, թե Քորթնի Լավն է պատվիրել, շատ տարածված է Քոբեյնի երկրպագուների շրջանում:
Ֆրենսիս Բին Քոբեյնը և Քորթնի Լավը
Ֆրենսիս Բին Քոբեյնը
Քուրթ Քոբեյնը
