«Պատմությունը նորությունների ձևով» անունը կրող թերթերի ցուցահանդես է բացվել Ժնևում՝ Ազգերի պալատում, որտեղ տեղակայված է ՄԱԿ Եվրոպական ստորաբաժանման շտաբ-գրասենյակը,- հաղորդում է ITAR-TASS-ը:
Ցուցահանդեսն իր մեջ ներառում է ամբողջ աշխարհի թերթերի առաջին էջերը, որոնք հաղորդում են ամենակարևոր իրադարձությունների մասին՝ սկսած 19-րդ դարից: Ցուցահանդեսը կազմակերպել է լրագրողների ասոցիացիան՝ ՄԱԿ համակարգի մի շարք կազմակերպությունների աջակցությամբ:
Այստեղ կարելի է տեսնել, թե ինչ վերնագրերով են հրապարակվել թերթերը «Տիատանիկ»-ի վթարից, Հոկտեմբերյան հեղափոխությունից հետո, Առաջին աշխարհամարտի սկզբին և Երկրորդ աշխարհամարտի ավարտին, Յուրի Գագարինի տիեզերք թռչելուց, լեդի Դիանայի մահից հետո և այլն:
Թերթերը իսպանացի լրագրող Ժուզեպ Բոսկի հավաքածուի մի մասն են, որը 25 տարի աշխատել է իր երկրի լրատվական գործակալություններից մեկում:
Գործակալությանը տված հարցազրույցի ժամանակ նա ասել է, որ իր հավաքածուն սկսել է հավաքել 1968 թվից և այս ընթացքում հավաքել է շուրջ 6-6.5 հազար թերթ: Գլխավոր կանոնը, որին նա թերթեր հավաքելիս միշտ հետևել է, եղել է այն, որ թերթը պետք է հրատարակված լինի այն երկրում կամ այն վայրում, որտեղ տեղի է ունեցել տվյալ իրադարձությունը: Այս խնդրի իրականացման համար նա գործի է դրել է իր բոլոր կապերը:
Բոսկի կարծիքով՝ ցուցահանդեսի հիմնական նպատակն է ցուցադրել, թե նախկինում տպագիր հրատարակություններն ինչ կարևոր դեր են խաղացել:
