Հայ ներգաղթյալը իր տեսագրությունով, որտեղ ավստրալացիներին ցույց է տալիս, թե ինչպես ճտերից խորոված պատրաստել, դարձել է համացանցային սենսացիա:
- ավտոբուսի 60-ամյա վարորդ մելբուռնցի Երվանդ Գարգինյանը միանգամից հանրահայտ է դարձել
- նա ավստրալացիների համար նկարահանել է, թե ինչպես պետք է պատրաստել «իսկական խորովածը»
- նրա դուստրը տեսագրությունը դրել է համացանցում և այն ունեցել է ավելի քան 5 միլիոն դիտում
Հայ ներգաղթյալը, ով ավստրալացիներին ցույց է տալիս, թե ինչպես «իսկական խորոված» պատրաստել, դարձել է համացանցային սենսացիա, երբ նրա դուստրը այդ զվարթ տեսագրությունը տեղադրել է համացանցում:
Ավտոբուսի 60-ամյա վարորդ Երվանդ Գարգինյանը, ով Մելբուռնի Հարավային Կրոյդոն շրջանից է, ընտանեկան վերջին հավաքի ժամանակ ցույց է տալիս, թե ինչպես փայտածուխի բաց կրակի վրա խորոված պատրաստել՝ օգտագործելով ավանդական խորովածի բաղադրատոմսը: Տեսագրության մեջ պարոն Գարգինյանը, ով Հայաստանից Ավստրալիա է տեղափոխվել 1977 թվականին, մերժում է ավստրալական ոճով խորովածը՝ «յուղոտ» նրբերշիկների պատրաստումը:
Նրա դուստրը՝ 24-ամյա Էլիզաբեթ Գարգինյանը, այս տեսագրությունը տեղադրել էր Reddit-ում և այն դիտվել էր մոտ 5 միլիոն անգամ՝ երբ սկսել է տարածվել ֆեյսբուքով, YouTube-ով և Instagram-ով:
Տեսագրության մեջ պարոն Գարգինյաննն ասում է. «Բարև, ընկերներ, ուզում եմ ձեզ ցույց տալ, թե ինչ է իսկական խորովածը: Սա ձեր նրբերշիկով խորովածը, չէ, յուղոտ ուտելիք, որ ուտում եք, սա իսկական խորոված է, որն անվանում են «հայկական խորոված»: «Երբ սկսեք ուտել, մատներդ էլ հետը կուտեք, հետո էլ կափսոսաք, որ ձեր մատները կերել եք»:
Օրիորդ Գարգինյանը ասել է, որ երբեք չի ենթադրել, որ տեսագրությունը այդքան հայտի կդառնա, երբ առաջին անգամ տեղադրել է տեսագրությունը իր հագուստի բիզնեսի՝ Casual Dress Day-ի YouTube-ի ալիքում:
«Իմ ընկերը այն տեղադրել էր Reddit-ում և մեկ ժամվա ընթացքում մեր տեսագրությունը դարձել էր առաջինը այդ կայքի տեսագրությունների շարքում, իսկ հաջորդ ժամվա ընթացքում այն Reddit-ի գլխավոր էջում էր՝ արդեն 2-րդ տեղում»,- ասել էր նա Daily Mail Australia-ին:
Մենք ամբողջ գիշեր նստած դա էինք դիտում, այն խելահեղ է:
Կարծում եմ, այն զվարճալի է, այն ձևով, որ հայրս է ցույց տվել:
Օրիորդ Գարգինյանը ասել է, որ հայրը վայելում է իր համացանցային հանրահայտությունը: «Նա շատ ուրախ է, նա երջանիկ է, որ ամբողջ աշխարհը դիտում է իր խորովածը»:
Տեսագրությունը նկարահանվել է նրա զարմիկ Ալբերտի տանը՝ նշելու համար նոր ծածկապաշտգամբը, որը պարոն Գարգինյանը օգնել էր կառուցել: Օրիորդ Գարգինյանը ասել է, որ միսը համեմվել է նախորդ գիշեր՝ հատուկ համեմունքներով՝ ընտանեկան բաղադրատոմսի համաձայն:
Նա ասել է, որ ընտանիքը հաճախ է հավաքվում միասին, և նրա հայրն ու հորեղբայրները կարող են պատրաստել ավանդական խորովածը բոլորի համար: «Բոլոր հորեղբայրները նախօրոք հավաքվում են, կանգնում խորովածի շուրջը և օղի խմում»,- ասել է օրիորդ Գարգինյանը:
«Ամեն անգամ, երբ հայրս ու հորեղբայրներս զբոսայգիներում հայկական խորոված են պատրաստում, միշտ արժանանում են հանրության ուշադրությանը, և նրանք միշտ մարդկանց հնարավորություն են տալիս մոտենալ և փորձել՝ ծանոթացնելով մեր մշակույթին: «Ամեն անգամ, երբ նրանք խորոված են պատրաստում, բույրը տարածվում է փողոցով մեկ»:
Օրիորդ Գարգինյանն ասել է, որ ի տարբերություն հորը, նա սիրում է նաև ավստրալական ոճի խորովածը:
«Ես սիրում եմ խորոված նրբերշիկները, ինձ դուր է գալիս, թե ինչպես է թշշում նրբերշիկը, սակայն դա այնքան տարբեր է մեր պատրաստած խորովածից»:
Թարգմանությունը՝ Interpress.am-ի
