Մոսկվան հույս ունի, որ հակահրթիռային Patriot համալիրները, որոնք տեղակայվել են թուրք-սիրիական սահմանին, կկիրառվեն միայն Թուրքիայի տարածքի պաշտպանության նպատակով: Այս մասին հայտարարել է Անկարայում ՌԴ դեսպան Վլադիմիր Իվանովսկին:
«Դուք հիշատակել եքPatriot համակարգերի հնարավոր կիրառման տարբեր սցենարներ, որոնք շրջանառվում են տեղեկատվական դաշտում: Դրա պատճառներից մեկն այն է, որ դիտորդների մի մասի մոտ ներկայիս դժվարին իրավիճակում կան այդ հաշվով որոշակի կասկածներ: Կցանկանայի, որ դրանք չարդարանային, և համալիրները կիրառվեին միայն պաշտպանության նպատակով»,-ասել է Իվանովսկին Interfax-ի հետ հարցազրույցում:
Դիվանագետն այսպես է մեկնաբանել գոյություն ունեցող կարծիքն այն մասին, որ Թուրքիայում տեղակայված զենիթա-հրթիռային համալիրները կարող են քայլ դառնալ դեպի Սիրիա օտարերկրյա ներխուժման ճանապարհին, կամ ուղղված են Իրանի և Ռուսաստանի դեմ:
