Հյուսիսային Կորեայում լրտեսության և պետական բյուջեին վնաս հասցնելու մեղադրանքով գնդակահարվել են կապի նախկին նախարար Կին Յոն Սամը և ֆինանսների նախկին նախարար Մուն Իլ Բոն: Ինչպես հաղորդում է Սեուլում լույս տեսնող Choson Ilbo թերթը, 1998-2008 թթ. կապի նախարարի պաշտոնը զբաղեցնող Կին Յոն Սամը մահապատժի է ենթարկվել իբր 2004 թ. երկաթուղային կայարանում տեղի ունեցած պայթյունը կազմակերպելու մեղադրանքով: Նրան նաև մեղադրել են Կիմ Չեն Իրի երթուղիների մասին տեղեկություններ տրամադրելու մեջ:
Ֆինանսների նախարարին մահապատժի են ենթարկել 2009 թ. դրամային ռեֆորմը տապալելու համար: Այն հարուցել էր տեղի բնակչության բուռն դժգոհությունը, և հավաբար ռեժիմին անհրաժեշտ էր մեղավորներ գտնել: 2010 թ. ապրիլին այս գործով գնդակահարվել էր աշխատավորական կուսակցության կենտրոնական կոմիտեի ֆինանսական պլանավորման բաժնի ղեկավարը:
Հայտնի է, որ խիստ պատժամիջոցներ են կիրառվում նաև մարզիկների նկատմամբ: Անցած տարի Ֆուտբոլի աշխարհի առաջնությունում անհաջող ելույթից հետո ազգային հավաքականի մարզիչը դատապարտվել է հարկադիր աշխատանքների: Նա օրը ավելի քան 14 ժամ ծանր ֆիզիկական աշխատանքով է զբաղվում:
