Կուբայի նախկին նախագահ, 88-ամյա Ֆիդել Կաստրոն չի մասնակցել ԱՄՆ-ի հետ հարաբերությունների բարելավման վերաբերյալ բանակցություններին, բանակցություններին մասնակցել է նրա եղբայրը՝ Պետխորհրդի և կառավարության ղեկավար Ռաուլ Կաստրոն, ուրբաթ օրը Սպիտակ տանը կայացած մամլո կոնֆերանսին հայտնել է ԱՄՆ-ի նախագահ Բարաք Օբաման, գրում է RIA Novosti-ն:
Օբամայի խոսքերով՝ Ֆիդել Կաստրոյի մասին Ռաուլ Կաստրոյի հետ զրույցում միայն մեկ անգամ է հիշատակվել: Իր դիրքորոշումը երկար հայտնելուց հետո Օբաման Կաստրոյին ասել է, որ չափազանց երկար խոսեց, ինչին վերջինս պատասանել է. «Մի անհանգստացեք,պարոն նախագահ, դուք դեռ երիտասարդ եք և կարող եք առաջ անցնել Ֆիդել Կաստրոյի ռեկորդից: Նա երբեմն յոթ ժամ շարունակ խոսում է»:
«Դրանից հետո նախագահը (Կաստրոն) ներկայացրել է իր հայտարարությունները, որոնք իմ սեփականներից երկու անգամ երկար են տևել: Ակնհայտորեն, դա նրանց արյան մեջ է: Սակայն մեր զրույցում Ֆիդել Կաստրոյի մասին դա միակ պահն էր»,- ասել է Օբաման:
