Ամերիկյան վարչակազմը տարբեր տարբերակներ է քննարկում՝ ի պատասխան նրանց, ովքեր կիբերհարձակում են գործել Sony Pictures կինոընկերության վրա, և մտադիր է այնպես անել, որպեսզի նրանք պատժվեն իրենց արածի համար: TASS-ի հաղորդմամբ՝ այս մասին չորեքշաբթի օրը հայտարարել է Սպիտակ տան՝ ԱՄՆ ազգային անվտանգության խորհրդի հարցերով պաշտոնական ներկայացուցիչ Բերնադեթ Միհենը:
Նա հայտնել է, որ «ԱՄՆ կառավարությունը Sony Pictures-ին օգնություն և աջակցություն է առաջարկել՝ ի պատասխան հարձակման»: «ՀԴԲ-ն ղեկավարում է դեպքի հետաքննությունը: ԱՄՆ-ը պարզում է՝ ով է արել այդ գործողությունները, և հետաքննության ընթացքի մասին կհայտնի համապատասխան ժամանակ»,- նշել է Միհենը:
Ավելի վաղ ամերիկյան ԶԼՄ-ներում ամերիկացի պաշտոնյաներին հղումով տեղեկություններ են հաղորդվել, որ ըստ տեղեկությունների՝ Sony Pictures-ի վրա հարձակմանը մասնակից է Փխենյանը: Կինոընկերությունը ծրագրում էր մոտ ժամանակներս թողարկել «Հարցազրույց» ֆիլմը, որի հերոսներն, ըստ սյուժեի, ԿՀՎ-ից առաջադրանք են ստանում սպանել Հյուսիսային Կորեայի առաջնորդ Կիմ Չեն Ինին: Անհայտ ցանցահենները կիբերհարձակում են գործել Sony Pictures-ի վրա և խոստացել ահաբեկչություններ կազմակերպել ֆիլմի ցուցադրության ժամանակ:
