Աթենքում այս գիշեր անհայտ անձինք այրել են 5 տներ, որտեղ հիմնականում ապրում են հայտնի հեռուստալրագրողներ: Հունաստանի կառավարությունը կատարվածը համարել է ահաբեկչություն: Այս մասին հայտնում է RIA Novosti-ն՝ հղում կատարելով հունական ԶԼՄ-ներին:
Չարագործները օգտագործել են ինքնաշեն սարք՝ վառելիքով լի 2 տարայով: Վնասը գնահատվել է ոչ այնքան մեծ:
Այդ տներում ապրում են հիմնականում Հունաստանի հայտնի լրագրողներ Անտոնիս Սկիլակոսը, Յորգոս Իկոնոմասը, Անտոնիս Լիարոսը:
Դեպքերը տեղի են ունեցել 4 շրջաններում՝ տեղի ժամանակով ժ. 3.40-ից 4.45-ը (Մոսկվայի ժամանակով՝ ժ. 5.40-ից 6.45-ը):
Դեպքից մի քանի ժամ առաջ մի խումբ անարխիստներ որոշ ժամանակով գրավել էին երկու հունական ԶԼՄ-ների ստուդիաները:
30-40 հոգանոց մի խումբ ներխուժել էր հունական պետական հեռուստատեսության 3-րդ ալիքի ստուդիա՝ դժգոհություն հայտնելով կառավարության՝ Աթենքում ձերբակալված շուրջ 100 անարխիստներին ձերբակալելու որոշման դեմ: Վերջիններս վերջին շրջանում երկրորդ անգամ էին գրավել Աթենքի կենտրոնում լքված մի շինություն:
Ձերբակալվածներից 92-ի նկատմամբ ոստիկանության վրա հարձակվելու մեղադրանք է առաջադրվել: Նման ակցիա է տեղի ունեցել նաև Real Fm ռադիոկայանում:
