Միանշանակ հնարավոր չէ ասել՝ Եվրասիական տնտեսական միությանն անդամակցելուց հետո Հայաստանի տնտեսությունն ավելի շատ կշահի՞, թե՞ կկորցնի: Այս մասին այսօր լրագրողների հետ հանդիպմանը ասաց տնտեսական գիտությունների թեկնածու Կառլեն Խաչատրյանը:
«Շատ է խոսվում այն մասին, թե հասարակ քաղաքացին կշահի՞ Հայաստանի՝ ԵՏՄ անդամակցությունից, թե՞ ոչ: Այդ հարցի պատասխանն առավելապես կախված է մեզանից և ուրիշ ոչ ոքից: Եթե մեր տնտեսությունը կարողանա մրցունակ լինել՝ պետական համապատասխան քաղաքականություն տարվի, կամ պարզապես բիզնեսն իր մեջ ուժ գտնի բարձրացնելու մրցունակությունը, ապա այս միությանն անդամակցելիս միանշանակ կշահենք, եթե՝ ոչ, ապա նորից կկանգնենք կոտրած տաշտակի առաջ»,- ասաց նա:
Տնտեսական գիտությունների թեկնածու Վիլեն Խաչատրյանի դիտարկմամբ՝ մենք մտնում ենք մի դաշտ, որտեղ գները շատ ավելի բարձր են, քան մեզ մոտ. «Սա նշանակում է, որ կոնկրետ այս երկրների գնաճը կարող է տեղափոխվել մեր երկիր, բայց արտահանվող ապրանքն այնտեղ ավելի կթանկանա։ Եթե կարողանանք դրանից օգտվել, ապա դրական կերպով կանդրադառնա մեր տնտեսության վրա: Մեր տնտեսությունն այդ առումով ավելի կայուն է»:
Առավել մանրամասն՝ տեսանյութում:
