Նովոսիբիրսկի շրջանային դատարանը քննել է 2012թ. վերջին «Աստրեյա» կոշիկի ընկերության սեփականատեր Արսեն Սարգսյանի սպանության գործը: Միակ ամբաստանյալը եղել է Ռամիլ Հուսեյնովը, որը մեղադրվել է այն բանում, որ մարդասպանին բերել է գնդակահարման վայր ու տարել նրան: Երդվյալ ատենակալների մեղադրական վճռի հիման վրա նա դատապարտվել է 8 տարվա ազատազրկման:
Դատավարության ժամանակ սկանդալ է տեղի ունեցել. ավագ ատենակալը վկա է գտել և հավակնություններ ներկայացրել առ այն, որ նա ցուցմունքներ տա հօգուտ մեղադրող կողմի: Այս մասին հայտնում է Kommersant-ը:
2012թ. դեկտեմբերի 4-ին ձեռնարկատիրոջը գնդակահարված էին գնել Կիրովի շրջանում՝ սեփական տան մուտքի մոտ: Որովայնի և կրծքավանդակի երեք հրազենային վնասվածքներով նրան հոսպիտալացրել էին: Շուրջ մեկ օր բժիշկները պաքարել էին նրա կյանքի համար, սակայն ձեռնարկատերը մահացել էր: ՌԴ Քննչական կոմիտեի Նովոսիբիրսկի շրջանի քննչական վարչությունը սպանության հոդվածով քրեական գործ էր հարուցել (ՌԴ ՔՕ 105 հոդված):
2013-ի գարնանը իրավապահ մարմինների աշխատակիցները ձերբակալել էին 34-ամյա Ռամիլ Հուսեյնովին: Քննության վարկածով՝ նա իր «Ժիգուլիով» մարդասպանին բերել էր գնդակահարման վայր և տարել: Ենթադրյալ կատարող Ջավիդ Նիֆտիևի և սպանության կազմակերպման միջնորդ Ռաիմ Հալիլովի դեմ հետախուզում է հայտարարվել: Որոշ տվյալներով՝ նրանք թաքնվում են Ադրբեջանում (նրանց գործերի հետաքննությունը դադարեցվել է):
Հանցագործության շարժառիթը, ինչպես նաև սպանության պատվիրատուին պարզել քննիչներին դեռևս չի հաջողվել: Գործի նյութերից հայտնի է, որ հայ ձեռնարկատիրոջ ոչնչացման համար վճարվել է 450 հազար դոլար, որից վարորդ Հուսեյնովին իբրև թե վճարվել է 1.2 մլն ռուբլի:
Գործին ծանոթացած Ռամիլ Հուսեյնովը միջնորդել է ատենակալների ժյուրիի կողմից գործի քննությանը: 2014-ի ապրիլին Նովոսիբիրսկի շրջանային դատարանը կոլեգիա է ընտրել: Դատավարության ժամանակ աղմկալի սկանդալ է բռնկվել: Ինչպես Kommersant-ին պատմել են իրավիճակին ծանոթ աղբյուրները, ավագ ատենակալը գնացել է կովկասյան խոհանոցի սրճարան, որտեղ սիրում էր լինել գործով վկաներից մեկը: Նա նրա հանդեպ կոշտ հավակնություններ է ներկայացրել ցուցմունքներ ստանալու համար: Սրահում տեղի ունեցածի մասին հայտնի է դարձել իրավապահ մարմիններին: Ավագ ատենակալին փոխարինել են:
Անցած շաբաթ գործով վճիռ է կայացվել: Ատենակալներին հղված իր ուղերձում Հուսեյնովը, որը նախաքննության և դատական քննության ընթացքում հրաժարվել էր ցուցունքներ տալուց, խնդրել է իրեն արդարացնել: Արդյունքում Հուսեյնովի մեղավորության մասին որոշումն ընդունվել 8 կողմ և 4 դեմ ձայներով: Ատենակալները համարել են, որ մեղադրյալն արժանի է ներողամտության:
Պետական մեղադրողը Հուսեյնովին համար 15 տարվա խիստ ռեժիմով ազատազրկում է պահաջել, սակայն նախագահող դատավոր Օլեգ Եֆիմովը գրեթե կրկնակի նվազեցրել է դատախազի կողմից առաջարկված ժամկետը՝ կայացնելով 8-ամյա ազատազրկման վճիռ:
