Հեռուստահաղորդավարուհի և հասարակական գործիչ Թինա Կանդելակին elle.ru-ին պատմել է իր սիրելի գրքերի, երաժշտության, կոսմետիայի, ճանապարհորդությունների և հիացմունքի օբյեկտների մասին:
Թինան պատմել է, որ չի սիրում շատ շպարվել և կարծում է, որ հարկավոր չէ վախենալ սեփական դեմքից ու թաքցնել այն:
Կանդելակիի խոսքերով՝ նրա գլխավոր հոբբին ընթերցանությունն է: Մանկության տարիներին նրան արգելել են մթության մեջ կարդալ, այդ պատճառով էլ նա ծածկոցի տակ լապտերի օգնությամբ է կարդացել:
«Երաժշտության հանդեպ ես գրեթե պրոֆեսիոնալ վերաբերմունք ունեմ, քանի որ կարիերաս սկսել եմ ռադիոյում դիջեյությունից»,- անկեղծացել է նա:
Հեռուստահաղորդավորուհին սիրում է ճամփորդել, սակայն աշխարհում նրա ամենասիրած անկյունը Ֆրանսիան է:
«Ես հիանում եմ ուժեղ կանանցով, ինչպիսիք են Կլեոպատրան և Մարգարետ Թեթչերը: Ես ինձ նույնպես ուժեղ կին եմ համարում»,- նշել է Կանդելակին:
Նա պատմել է, որ մաշկը սկսել է խնամել 17 տարեկան հասակից ու դրա համար ջանքեր և գումար չի խնայել: Նա անընդհատ մաշկի տարբեր դիմակներ է օգտագործում: Իսկ ահա ներարկումներին շատ զգուշորեն է վերաբերվում և համոզված է, որ երիտասարդությունն արհեստականորեն պահպանող միջոցները չարաշահել չի կարելի:
Թինա Կանդելակին մարզվում է, իսկ մարզումները բազմազան են՝ աերոբիկայից մինչև ուժային վարժություններ:
Նա խստորեն հետևում է օրվա իր գրաֆիկին՝ արթնանում է առավոտյան ժամը յոթին, երեխաներին դպրոց ճանապարհում, զբաղվում սպորտով, ճանապարհին ստուգում փոստը, անուհետև՝ գնում է աշխատանքի:
Կանդելակիի գեղեցկության գլխավոր պայմանը օրը մաքուր և խոնավեցված մաշկով սկսելն ու ավարտելն է:
Նա երբեք չի ծխել և ալկոհոլ չի օգտագործել, վաղուց սուրճ չի խմում և հետևում է ինքն իրեն:
Թինայի կարծիքով՝ դժբախտ կինը երբեք չի կարող գեղեցիկ տեսք ունենալ: Այդ պատճառով էլ նրա համար չափազանց կարևոր է կնոջ ներքին վիճակը, որը միանգամից արտահայտվում է նրա դեմքին:
«Ես միշտ շատ կարևորում եմ օծանելիքի ընտրությունը, քանի որ միակ բանը, որ հիշում եմ մարդուց, դա նրա հոտն է:
Գեղեցկության համար կարևորը մաշկն ու բույրն են: Իսկ մեր մասին մտածելիս ոտքերի երկարությունն ու կրծքի չափսերը տղամարդիկ այնքան էլ չեն հիշում»,- ասում է Կանդելակին:
