RBK-style-ը կազմել է 2012թ. ամենաաղմկահարույց ռեկորդների և ձեռքբերումների ցանկը:
2012թ. հոկտեմբերի 14-ին ավստրիացի Ֆելիքս Բաումգարթները թռել է 38 կմ բարձրությունից. ազատ անկման արագությունը կազմել է 1173 կմ/ժ: Այսպիսով 43-ամյա ավստրիացին սահմանել է առավելագույն բարձրության ռեկորդ, որից կատարվել է թռիչքը: Բացի դրանից՝ նրա անկման արագությունը գերազանցել է հնչյունի արագությանը:
Բաումգարթների ազատ անկումը շարունակվել է 4 ր. 20 վրկ., սակայն առանց կայունացնող օդապարիկի: Նրա խոսքով` «թռիչքի պահին նա ոչինչ չի զգացել, չի մտածել որևէ ռեկորդի մասին»:
Հայտնի ռեժիսոր Ջեյմս Քեմերոնը` «Ավատար» և «Տերմինատոր» ֆիլմերի ստեղծողը, իջել է Երկրի ամենախոր վայրը` Մարինյան իջվածք:
2012 թ. մարտի 26-ին նա սուզվել է 11 հզ. մետր խորության վրա` հասնելով Խաղաղ օվկիանոսի հատակին: Երբ ռեժիսորը հասել է օվկիանոսի հատակին, նրա առաջին բառերը եղել են` «Բոլոր համակարգերը լավ են աշխատում»:
Ջրի տակ անցկացրած վեց ժամվա ընթացքում ռեժիսորն ուսումնասիրել է Մարինյան իջվածքի խորությունը 3D ձևաչափով և ուսումնասիրության համար վերցրել որոշ երկրաբանական նմուշներ:
Ֆլորիդայի Մեմորիալ համալսարանի 23-ամյա ուսանող Բարինգթոն Իրվինգը, չվախենալով անձրևներից ու քամիներից, իրականացրել է ռեկորդային թռիչք: Երբ երիտասարդն իմացել է, որ իրեն ոչ մեկը ինքնաթիռ չի տա, կառուցել է սեփական ինքնաթիռը՝ այն անվանելով Columbia:
Մեր ժամանակների ամենահայտնի բարմեններից մեկը` Սալվատորե Կալաբրեզեն, նոր ռեկորդ է սահմանել` պատրաստելով աշխարհի ամենաթանկարժեք կոկտեյլը: Լոնդոնի Playboy Club ակումբում նա ներկայացրել է այն: Դրա մեկ չափաբաժինն արժե 826 դոլար:
2012թ. դեկտեմբերի 9-ին Լեո Մեսին խփել է տարվա իր 86-րդ գոլը և շրջանցել Գերդ Մյուլերի ռեկորդը, որը 1975թ. խփել էր 85 գոլ:
Հարավկորեացի ռեփեր PSY-ն հայտնվել է Գինեսի ռեկորդների գրքում: Gangnam Style պարային երգի տեսահոլովակը դարձել է աշխարհի ամենահայտնի տեսահոլովակը YouTube վիդեոհոսթինգի պատմության ամբողջ ընթացքում: Այժմ տեսահոլովակն ունի ավելի քան 970 միլիոն դիտում:
2012թ. փետրվարին բրիտանացի երգչուհի Ադելը ստացել է «Գրեմիի» վեց մրցանակ, իսկ հանրահայտ Billboard ամսագիրը նրան ճանաչել է տարվա երգչուհի:
2012 դեկտեմբերի 10-ին Ստոկհոլմում Նոբելյան մրցանակ են հանձնել ֆիզիկայի, քիմիայի, ֆիզիոլոգիայի, բժշկության, գրականության, տնտեսագիտության ոլորտների ներկայացուցիչներին:
Գրականության Նոբելյան մրցանակը շնորհվել է չինացի Մո Յանին:
Քիմիայի Նոբելյան մրցանակը շնորհվել է ամերիկացի Ռոբերտ Լեֆկովիցին և Բրայան Կոբիլկային:
Տնտեսության ոլորտում դափնեկիրներ են դարձել Էլվին Ռոթուն և Լլոյդ Շեպլինը բաշխման տեսությունը մշակելու և շուկայական պլանավորման մեջ դրա գործնական կիրառման համար:
