Կինոյի աշխարհը գրավում է մարդկանց ստեղծվելու առաջին իսկ օրից: Սակայն ինչո՞ւ է արվեստի բոլոր տեսակներից հենց կինոն այդքան գրավում մարդկանց: Ամեն մարդ այդ հարցին ունի սեփական պատասխանը՝ կինեմատոգրաֆն արդեն այնքան է մխրճվել մեր կյանքում, որ այն կարելի է համարձակ անվանել մեր գոյության ամենաանբաժանելի մասը:
Ներկայումս դերասանուհու կարիերայի մասին երազում է գրեթե ամեն աղջիկ: Երբեմն նրանք պատրաստ են ամեն ինչի՝ էկրանին հայտնվելու համար: Զարմանալի է, որ կինոն գերում է անգամ իսկական արքայադուստրերին, որոնք «ի պաշտոնե» չպետք է այդ մասին մտածեին:
Այդուհանդերձ, նրանցից ոմանց հաջողվել է իրենց երազանքը կյանքի կոչել, գրում է bigpicture.ru-ն:
1. Իշխանուհի Գրեյս Քելլի, Մոնակոյի 10-րդ իշխանուհին՝ ներկայիս Ալբեր 2-րդի մայրը ու երևի թե ամենահայտնի արքայադուստրը, որ գերել է կինոյի աշխարհը:
2. 1952թ. նա գլխավոր դեր է ստանում «Ուղիղ կեսօրին» վեսթեռնում: Ալֆրեդ Հիչկոկը նրան նկարահանել է իր 3 ֆիլմերում, իսկ դրանցից ոմանց սցենարը նա գրել է հատուկ Գրեյսի համար:
3. 1956թ. տեղի ունեցավ մի բան, որը փոխեց Գրեյսի կյանքը. նա ամուսնացավ արքայազն Ռենյե 3-րդի հետ: Ավելի ուշ նրանց հարսանիքը կանվանվի դարի հարսանիք, իսկ Գրեյս Քելլին դարձավ ոճի կուռք, որի համար պայքարում էին համաշխարհային դիզայներները: Ավելին՝ նա սկսում է զբաղվել բարեգործությամբ և հասարակական գործունեությամբ: Կինոկարիերան նա այլևս չշարունակեց, սակայն Կինոարվեստի ամերիկյան ինստիտուտը նրան հատկացրեց 13-րդ տեղը «կինոյի 100 մեծագույն աստղերի թվում»:
Նա մահացավ 53 տարեկանում, երբ կաթվածի հետևանքով կորցրեց մեքենայի ղեկավարումը: Արքայազն Ռենյեն նրանից հետո չամուսնացավ:
4. Այս իսկական արքայադուստրը նկարահանվել է կինոյում Քելլից շատ առաջ: Զուբեյդա-բեգում Ջանրաջգիրը ծնյալ արքայադուստր է և արքայադուստր է նաև ամուսնությամբ:
5. Կինեմատոգրաֆում հայտնի է որպես Զուբեյդա: Նրա հաշվին կա 41 համր ու 35 հնչունային ֆիլմ: Մարմնավորել է հնդիկ աստվածուհիների ու հերոսուհիների: 1930-ականներին գրեթե հեռանում է մասնագիտուիթյունից և իրեն նվիրում ընտանիքին:
6. Ամենաերիտասարդ արքայադուստրը, որը նվաճել է կինոօլիմպոսը, Մեծ Բրիտանիայի թագուհի Եղիսաբեթ 2-րդի թոռնուհի՝ արքայադուստր Բեատրիս Էլիզաբեթ Մարիան է: Նրան հազվադեպ է հնարավոր տեսնել պաշտոնական միջոցառումներին, քանի որ որոշում է կայացվել նրան տալ շանս՝ ստանալու իր ընտրած մասնագիտությունը:
7. Բեատրիսի դեբյուտը կայացել է Բրիտանիայի Վիկտորյա թագուհու մասին պատմող «Երիտասարդ Վիկտորյան» (The Young Victoria) ֆիլմում:
8. Բացի Բեատրիսից՝ կինոյի մասին երազում էր նաև արքայադուստր Դիանան: Հենց նա պետք է մարմնավորեր գլխավոր դերակատարին «Թիկնապահը» ֆիլմում, սակայն այդպես էլ չհասցրեց՝ 1997թ. օգոստսոսի 31-ին զոհվեց ավտովթարում:
