1932թ. ապրիլի 4-ին հայտնի ռուս բանաստեղծ Արսենի Տարկովսկու ընտանիքում ծնվել է Անդրեյ Տարկովսկին:
Նա առաջին բարձրագույն կրթությունը ստացել է Մոսկվայի արևելագիտության ինստիտուտում, իսկ 1960թ. ավարտել է ռեժիսորական ֆակուլտետը: Նրա դիպլոմային աշխատանքը` «Սահադաշտ և ջութակ» կարճամետրաժ կինոնկարը (1960 թ.), 1961թ. Նյու Յորքի ուսանողական ֆիլմերի փառատոնում արժանացել է Գլխավոր մրցանակի:
Ինստիտուտն ավարտելուց հետո աշխատել է «Մոսֆիլմում»: Նա «Անտարկտիդա` հեռավոր երկիր» , «Հազարից՝ մեկ հնարավորություն» , «Զգուշացիր, օձեր են» ֆիլմերի սցենարների հեղինակ և համահեղինակ է: Որպես ռեժիսոր՝ Տարկովսկին համաշխարհային ճանաչման է արժանացել «Իվանի մանկությունը» լիամետրաժ կինոնկարով: Վերջինս արժանացել է Վենետիկի միջազգային կինոփառատոնի «Սբ Մարկոսի ոսկե առյուծ» մրցանակի:
Նրա «Անդրեյ Ռուբլյով» ֆիլմը ներառվել է կինոյի պատմության 100 լավագույն ֆիլմերի ցանկում:
1982թ. սկսած Տարկովսկին Իտալիայում աշխատում էր «Նոստալգիա» ֆիլմի վրա, որի նկարահանումներն ավարտելուց հետո որոշում է այլևս չվերադառնալ ԽՍՀՄ: Ռեժիսորի վերջին ֆիլմը («Զոհաբերություն») ցուցադրվել է Շվեդիայում:
Ռեժիսորը մահացել է 1986թ. դեկտեմբերի 29-ին Փարիզում երկարատև հիվանդությունից հետո:
