Ֆրանսիական Le Monde թերթը Սիրիայի նախագահ Բաշար Ասադին ճանաչել է «տարվա մարդ» և «դարի դաժան մարդասպան»։
Հրապարակման մեջ նշվում է, որ եթե մարդու մոտ առկա են այնպիսի հատկանիշներ, ինչպիսիք են ցինիզմն ու դաժանությունը, անկասկած, նա համարվում է անցնող տարվա մարդ: Սիրիայում քաղաքացիական պատերազմի 19 ամիսների ընթացքում զոհվել է ավելի քան 40 հազար մարդ, և սա դեռևս վերջը չէ:
Որոշ տվյալների համաձայն՝ զոհերի թիվը 45 հազար է:
Երբ 2011 թ. Սիրիայում սկիզբ առան առաջին ապստամբությունները, պարբերականներից մեկը հետաքրքրվել էր, թե արդյոք կարո՞ղ է Ասադը «գերազանցել» հորը` Սիրիայի նախկին ղեկավար Հաֆեզին, ում կառավարման օրոք՝ 1982 թ. հունվարի ողբերգական իրադարձության ժամանակ, երբ Սիրիայի բանակը ճնշում էր Համա քաղաքում բռնկված ապստամբությունը, սպանվել էր 10-20 հազար մարդ:
Le Monde-ի՝ փոխանցմամբ, այնուամենայնիվ որդուն հաջողվեց գերազանցել հորը։
