Ադրբեջանը կցանկանար, որ Լեռնային Ղարաբաղի հակամարտության հարցով յուրաքանչյուր հանդիպում արդյունավետ լիներ, որպեսզի այդ գործընթացը տեղից շարժվեր: Trend-ի հաղորդմամբ՝ այս մասին չորեքշաբթի օրը ճեպազրույցի ժամանակ ասել է Ադրբեջանի ԱԳՆ ղեկավար Էլմար Մամեդյարովը՝ մեկնաբանելով Հայաստանի և Ադրբեջանի ղեկավարների սպասվող հանդիպումը:
Նրա խոսքով՝ Ադրբեջանը պատրաստ է անցնել մեծ խաղաղ համաձայնության վրա աշխատանքին:
Մամեդյարովը նշել է, որ եղել են մի շարք առաջարկներ զորքերի դուրսբերման, փախստականների վերադարձման, տրանսպորտի և ինֆրակառուցվածքի հարցերի լուծման կառույցների միջև աշխատանքային խմբեր ստեղծելու վերաբերյալ:
«Ադրբեջանը պատրաստ է այդպիսի բանակցություններ սկսել փորձագետների մակարդակով: Մենք պատասխանի ենք սպասում հայկական կողմից»,- ասել է Մամեդյարովը:
