Բրիտանական խորհրդարանի Լորդերի պալատն առանց քվեարկության հավանություն է տվել Գլխավոր Սինոդի առաջարկին՝ թույլ տալու կանանց դառնալ անգլիկան եկեղեցու եպիսկոպոսներ: Այս մասին հայտնում է TASS գործակալությունը:
Ինչպես սպասվում է, առաջարկը խորհրդարանականների կողմից կհաստատվի հաջորդ շաբաթ, ինչը թույլ կտա դրան ստանալ օրենքի ուժ:
Անգլիկան եկեղեցու հոգևոր առաջնորդ, Քենթերբերիի արքեպիսկոպոս Ջասթին Ուելբի խոսքով՝ եպիսկոպոս կանանց հայտնվելը կունենա պատմական նշանակություն: Նա հույս է հայտնել, որ կառավարությունը կընդունի օրենքը մինչև համընդհանուր ընտրությունները, որոնք կկայանան 2015-ի մայիսին: Նա նշել է վերջին 20 տարում կանանց առաջընթացը եկեղեցական տարբեր աստիճաններում: