Փոքրիկ բրիտանացու մայրը իր որդուն ամանորյա նվեր է մատուցել՝ նրա համար իսկական ձյունով տոնակատարություն կազմակերպելով:
3-ամյա Քելվին Քրիքվուդի մայրը որոշել է որդուն իսկական անակնկալ մատուցել և մասնակցություն է ունեցել վիճակախաղին, որպեսզի ստանա 10 տոննա իսկական ձյուն:
34-ամյա Սյուզան անունով կինը նկատել է, որ իր երեխան շատ է տխրել, քանի որ եղանակը ամենալավ անակնկալը չի մատուցել: Սուրբ Ծնունդից մի քանի օր առաջ եղանակը տաք էր:
Սյուզանը նշել է, որ չի կարողացել տանել երեխայի հուսահատ տրամադրությանը և ակտիվ գործողությունների է դիմել: Կինը մասնակցություն է ունեցել մրցույթին, որը կազմակերպել էր տեղի առևտրի կենտրոններից մեկի ղեկավարությունը: Snow factor ընկերության ներկայացուցիչները բոլոր ցանկացողներին հնարավորություն են տվել շահել մի քանի տոննա ձյուն:
Սյուզանը հաղթել է, և մի քանի աշխատողներ հավասարաչափ 10 տոննա ձյունը լցրել են Քիրքվուդ ընտանիքի բնակարանի մոտ:
Արթնանալուց հետո փոքրիկ Քելվինը նայել է պատուհանից դուրս և ուղղակի չի հավատացել իր աչքերին՝ նրա տան բակում իսկական ձմեռ էր:
«Սանտան ինձ ամենաերջանիկը դարձրեց»,- ասել է երեխան:
Հիացած երեխան ցանկացել է կիսվել իր նվերով և հյուր է կանչել հարևաններին: Նրանք կարողացել են արտասովոր նվերից ձնեմարդ պատրաստել և նույնիսկ սահնակներով խաղալ:
