«Տաշիր» ընկերությունների խումբը Մորոզովսկի մանկական քաղաքային կլինիկական հիվանդանոցի նոր մասնաճյուղ է կառուցում Մոսկվայում՝ ընդհանուր 74 հազար քառակուսի մետր մակերեսով՝ ասվում է ընկերության հաղորդագրությունում: Այս մասին փոխանցում է RIA Novosti-ն:
Ինչպես հստակեցվում է մամլո հաղորդագրությունում, ներկայումս իրականացվում են ակտիվ շինարարական աշխատանքներ առաջին հարկից ցածր մակարդակում: Աշխատանքների ավարտն ու օբյեկտի շահագործման հանձնումը ծրագրված են 2016 թվականին:
«Հիվանդանոցի նոր համալիրում կհայտնվի ժամանակակից ինժեներական և բժշկական տեխնիկա և առողջապահության քաղաքային համակարգում ոսկրածուծի փոխպատվաստման առաջին բաժանմունքը: Ընդհանուր առմամբ շինությունը կմիավորի 15 գործառական բաժիններ, որոնք կարող են բուժման ընդունել մինչև 500 ստացիոնար հիվանդների»,-նշվում է հաղորագրությունում:
Բոլոր պալատները կզինվեն այսպես կոչված «ահազանգի կոճակներով» և հիվանդների վերահսկման կատարելագործված համակարգով:
Համաձայն հաստատված նախագծի՝ նոր 7-հարկանի շենքը վերգետնյա անցումով կկապվի արդեն գոյություն ունեցող մասնաճյուղի հետ:
