Հոլիվուդի աստղ Ջորջ Քլունին ամուսնացել է փաստաբան և իրավապաշտպան Ամալ Ալամուդինի հետ Վենետիկում: Նրանց հարսանիքը տարվա ամենասպասված իրադարձություններից մեկն էր:
Ամուսնության արարողությունը տեղի է ունեցել Aman հյուրանոցում: Արարողությանը հրավիրվել էին զույգի միայն մտերիմ ընկերները, որոնց թվում շատ էին Հոլիվուդյան գերաստղերը:
53-ամյա դերասանն ու 36-ամյա փաստաբանը հանդիպում են անցած տարվա հոկտեմբերից:
Այն մասին, որ ամուսնության արարողությունը կայացել է, հաղորդել է Քլունիի գործակալը:
Հյուրերը հյուրանոց են ժամանալ նավով, իսկ ափին կանգնած հարյուրավոր մարդիկ ողջունել են նրանց: Այդ մարդիկ հավաքվել էին հայտնիներին տեսնելու համար: Հյուրերի թվում եղել են սուպերմոդել Սինդի Քրոուֆորդը, դերասաններ Բիլ Մյուրեյը,Մեթ Դեյմոնը, ինչպես նաև U2-ի առաջատար Բոնոն:
