2012-2013 թթ. մի քանի մլն արաբալեզու թվիթների վերլուծությունը ցույց է տվել Մերձավոր Արևելքում ուժեղագույն հակաամերիկյան տրամադրություններ: Այս մասին Փրինսթոնի համալսարանի հետազոտողները պատմել են Քաղաքագիտական ամերիկյան հասարակության ամենամյա կոնֆերանսի ընթացքում: Այս մասին հայտնում է Lenta.ru-ն՝ հղում անելով համալսարանի մամլո հաղորդագրությանը:
Գիտնականներն ուսումնասիրել են արձագանքն այդ շրջանի գլխավոր իրադարձություններին, այդ թվում՝ ԱՄՆ-ում «Սենդի» փոթորկին, Սիրիայում քաղաքացիական պատերազմին, Բոստոնի մարաթոնի ժամանակ պայթյուններին, Եգիպտոսի նախագահ Մուհամեդ Մուրսիի պաշտոնանկությանը:
Մուրսիի դեմ ընդդիմության պայքարի ամիսների ընթացքում արված թվիթների միայն 3%-ն են գնահատել որպես ամերիկամետ, 23%-ը չեզոք դիրքորոշում է ներկայացրել, իսկ մնացածները խիստ քննադատական են եղել:
Նմանատիպ պատկեր է եղել Սիրիայում հակամարտության վերաբերյալ թվիթների դեպքում. 97%-ը հակաամերիկյան տրամադրվածություն է ունեցել՝ չնայած ԱՄՆ-ը պայքարել է Բաշար Ասադի ռեժիմի դեմ, որի դեմ գրել են մեկնաբաններից շատերը:
Իսկ «Սենդի» ուժգին փոթորկի մասին փոստերում արաբալեզու գրողների մոտ 30%-ը ցավակցել է ամերիկացիներին կամ դրականորեն է արտահատվել աղետի դեմ իշխանությունների պայքարի մասին: Այլ կերպ ասած՝ Մերձավոր Արևելքում ԱՄՆ-ի քաղաքականությունը բացասական արձագանք է գտնում թվիթների 95-99 %-ի մեջ, մինչդեռ հենց ԱՄՆ-ում իրադարձությունների մասին կարծիքները շատ ավելի զուսպ և տարբեր են:
