Գիտնականների իրականացրած մասշտաբային հետազոտության արդյունքները ցույց են տվել, որ շատ խիստ դիետաներով տարվելը կարող է ալկոհոլիզմի պատճառ դառնալ:
Ֆլորիդա նահանգի գիտաշխատողները փորձ են անցկացրել, որը շարունակվել է 10 տարի: Փորձին մասնակցել է 1340 կամավոր: Պարզվել է, որքան մարդիկ ավելի շատ են սահմանափակում իրենց սննդակարգը, այնքան ավելի շատ խնդիրների են բախվում` հաղորդում է MegaMed Portal կայքը:
Օրինակ, պարզվել է, որ փորձի այն մասնակիցները, որոնց սննդակարգը չի անցել 900 կկալ-ից, ավելի հաճախ էին հայտնվում ալկոհոլային ազդեցության ներքո: Նրանք, ովքեր դիետայի և առողջ ապրելակերպի էին հետևում, ալկոհոլի նկատմամբ ուժեղ հակում չեն ունեցել:
Սակայն հետազոտողները չեն դադարում հիշեցնել, որ դիետաները միշտ չէ, որ ալկոհոլային կախվածության պատճառ են հանդիսանում: Ալկոհոլից կախվածությունը կարող է այլ պատճառներ էլ ունենալ, մասնավորապես՝ գենետիկական հակումը, շրջակա միջավայրի ազդեցությունը և այլ գործոններ:
