Հեռուստահաղորդավար Ջիմմի Ֆելլոնը դերասան Փիրս Բրոսնանի համար փորձություն է պատրաստել՝ առաջարկելով նրան ուժերը փորձել GoldenEye 007-ում, որը մշակվել է Ջեյմս Բոնդի մասին պատմող «Ոսկե աչքը» ֆիլմի մոտիվներում, որտեղ Բրոսնանը կատարել է 007 գործակալի դերը: Դերասանը խոստովանել է, որ այդ խաղը միայն մեկ անգամ է խաղացել: Սակայն Ֆելլոնի մարտահրավերը նա ընդունել է: Հաղորդման տեսագրությունն արդեն հայտնվել է համացանցում, գրում է lenta.ru-ն:
GoldenEye 007-ը թողարկվել է 1997-ի օգոստոսի 25-ին՝ «Ոսկե աչքի» պրեմիերայից երկու տարի անց: Մասնագետները բարձր են գնահատել խաղը՝ հատկապես նշելով մրցակցական ռեժիմը, որին կարող են մինչև չորս մասնակիցներ մասնակցել: Խաղի մշակմամբ զբաղվել է Rare ստուդիան:
Փիրս Բրոսնանը մոտ ժամանակներում լայն էկրանին կհայտնվի «Նոյեմբերի մարդը» լրտեսական թրիլերում: Ֆիլմը համաշխարհային վարձույթ դուրս կգա 2014-ի օգոստոսի 27-ին:
