Եգիպտոսի իշխանությունները հրաժարվել են թույլատրել Human Rights Watch (HRW) իրավապաշտպան կազմակերպության ղեկավարների մուտքը երկիր: Այս մասին երկուշաբթի օրը հայտնում է Reuters-ը՝ հղում անելով իրավապաշտպանների հայտարարությանը:
HRW-ի տնօրեն Քեննեթ Ռոթը և մերձավորարևելյան գրասենյակի ղեկավար Սառա Լի Ուիթսոնը ծրագրում էին Եգիպտոս այցելել՝ մասնակցելու անցած տարի բողոքի ակցիաների ժամանակ եգիպտացի ուժայինների կողմից ցուցարարների զանգվածային սպանության մասին զեկույցի հրապարակմանը:
Կազմակերպության ղեկավարները ձերբակալվել են Կահիրեի օդանավակայանում երկուշաբթի գիշերը: Ուիթսոնն արդեն երկրից արտաքսվել էր «անվտանգության պատճառներով»: Սպասվում է, որ Ռոթը ևս շուտով կլքի երկիրը:
2013-ի հուլիսին Եգիպտոսի բանակն ազգային դժգոհության ֆոնին, որը պայմանավորված էր «Մուսուլման եղբայրների» իշխանության գլուխ եղած ժամանակ երկրի նախագահ Մուհամմադ Մուրսիին իշխանությունից հեռացնելուց հետո նրա կողմնակիցների պահանջով՝ նրան վերադարձնել երկրի ղեկավարի պաշտոնին, բողոքներին հաջորդած անկարգությունների և բախումների հետևանքով հարյուրավոր եգիպտացիներ են զոհվել:
