Այսօր վարչապետ Հովիկ Աբրահամյանը սահմանային գյուղեր այցի շրջանակում եղավ նաև Վերին Կարմիրաղբյուր գյուղում, հանդիպեց բնակիչներին, ծանոթացավ գյուղի բազմաթիվ խնդիրներին: Գյուղապետ Կամո Չոբանյանը իր և գյուղացիների անունից խնդրեց, որ Հովիկ Աբրահամյանն ասի պաշտպանության նախարարին մեկ անգամ գյուղ գալ:
«Առաջին լրատվական»-ի հետ զրույցում գյուղապետը մանրամասնեց, թե ինչու է ուզում տեսնել պաշտպանության նախարարին գյուղում. «Գյուղից շատ զինվորականներ ունենք, շփումը պետք է, առանձնապես պահանջ ունենք»,- ասաց նա:
Կամո Չոբանյանի խոսքով՝ հիմա ամեն օր գյուղում կրակոցներ են հնչում: Նրա խոսքով՝ սահմանին նկատվում է լարվածություն, բայց իրենք դրանից չեն վախենում, ուղղակի զգոն են դառնում:
Գյուղապետը նշեց, որ վերջին տարիներին գյուղում արտագաղթը մեծացել է, իսկ թե որքան է պակասել գյուղի բնակչությունը՝ գյուղապետը չկարողացավ նշել:
Ամբողջությամբ՝ տեսանյութում: