ՀՀՇ վարչության անդամ, Ապարանի կառույցի ներկայացուցիչ Գևորգ Գևորգյանն «Առաջին լրատվականի» հետ զրույցում նշեց, որ Հայ ազգային կոնգրեսի վերջին հանրահավաքն ու Ազատության հրապարակը վերանվաճելը մեծ արձագանք է գտել իրենց մոտ:
«Ժողովրդի մոտ վերադարձել է հավատը, որ ինքն արդեն մոտ ապագայում կփոխի իշխանությունն ու կգնա արտահերթ նախագահական ու խորհրդարանական ընտրությունների»,- ասաց պարոն Գևորգյանը:
Ըստ նրա` հանրահավաքը մեծ ոգևորություն է առաջացրել իրենց մարզում և էլ ավելի է ուժեղացրել վստահությունը Կոնգրեսի ուժերի հանդեպ:
«Այսքանից հետո իշխանափոխությունն անխուսափելի է»,- ասաց պարոն Գևորգյանը:
Ըստ նրա` ընդդիմության` Ազատության հրապարակ մտնելու հարցում դեր կատարեց ժողովրդի վճռականությունը:
«Չգիտեմ` եվրոպացիները որքանով նպաստեցին, բայց իմ կարծիքով, մեր ժողովրդի վճռականության շնորհիվ Ազատության հրապարակում նորից անելու ենք հանրահավաք: Դա մեր ժողովրդի վճռականության, մեծ քանակի շնորհիվ կկրկնվի»:
