Աֆրիկյանների ակտիվիստները, կառավարությունից ոչ մի պատասխան չստանալուց հետո, շարժվեցին դեպի Մաշտոցի պուրակ. այնտեղ հնչում էին հանրային տարածքի մշակութացմանը նվիրված կատարումներ: Դաշնակահարներն այսօր, հանրային շահից ելնելով, իրենց կատարումները նվիրեցին «Աֆրիկյանների» պատմամշակութային հուշարձանի պահպանմանը: Կատարում նվիրեց նաև աշխարհահռչակ հայ դաշնակահար Հայկ Մելիքյանը:
Ճարտարապետ, բնապահապան երիտասարդ ակտիվիստները Մաշտոցի պուրակից կրկին շարժվեցին դեպի Աֆրիկյանների տուն՝ բաց քննարկման: Ակտիվիստները վստահեցնում են՝ պատմամշակութային հուշարձանը տեղափոխվում է այն դեպքում, երբ տարածքում արտակարգ իրավիճակ է առկա, օրինակ՝ ջրհեղեղ, որի հետևանքով հուշարձանը կարող է վերացման վտանգի առջև կանգնել, իսկ հուշարձանը, մինչ ապամոնտաժման աշխատանքները սկսելը, վերացման վտանգի առջև կանգնած չի եղել:
Ակտիվիստները վստահ են, որ հուշարձանը հիմա էլ հնարավոր է բերել նախկին տեսքին, միայն թե ցանկություն է հարկավոր:
