«Հրապարակ»-ը գրում է. «Այլընտրանքային ԵԿՄ ստեղծելու գաղափարի տապալումից հետո ԲՀԿ-ական պատգամավորներ Ռուստամ Գասպարյանն ու Ռուբեն Գևորգյանը սկսել են գաղտնի գործունեություն ծավալել:
Մոտ 2 ամիս առաջ այս պատգամավորները հայտարարեցին, որ «Ազատամարտի նվիրյալներ միավորում» հասարակական կազմակերպություն են ստեղծում, այն նույնիսկ գրանցել էին Պետռեգիստրում, սակայն հայտարարությունից երկու շաբաթ անց «անհայտ» պայմաններում կազմակերպությունն ինքնալուծարվեց:
Տեղեկություններ տարածվեցին, որ գեներալ Մանվել Գրիգորյանը բարկացել է, հանդիպել Գագիկ Ծառուկյանին, ապա ԲՀԿ առաջնորդի հրահանգով պատգամավորները կազմակերպությունը լուծարելու դիմում են ներկայացրել: Եվ արդեն մոտ 10 օր է՝ նրանք փորձում են իրենց պլաններն ի կատար ածել գաղտնիության պայմաններում՝ հավաքներ են կազմակերպում, հրամանատարներին ու ազատամարտիկներին հրավիրում ու քննարկում իրենց անելիքները:
Եվ դա փորձում են անել պաշտպանության նախկին փոխնախարար Գագիկ Մելքոնյանի միջոցով: Այդպիսի երկու հավաք արդեն տեղի է ունեցել՝ մեկը Մելքոնյանի Մալաթիա համայնքում գտնվող գրասենյակում, մյուսը՝ բացօթյա սրճարանում»:
Մանրամասները՝ թերթի այսօրվա համարում
