Մեծ Բրիտանիայի վարչապետ Դևիդ Քեմերոնը մտադիր չէ հրաժարական տալ, եթե այս աշնանը կայանալիք հանրաքվեի արդյունքում բնակիչները կքվեարկեն Շոտլանդիայի՝ Միացյալ Թագավորությունից անկախանալու օգտին: Այս մասին գրում է BBC-ն:
«Չեմ պատրաստվում այդ դեպքում վայր դնել վարչապետի լիազորությունները: Կարևոր է հասկանալ, որ կայանալիք հանրաքվեն ինձ կամ իմ կուսակցությանը չի վերաբերում: Քվեաթերթիկներին իմ անունը գրված չէ: Այդ պատճառով էլ ես իմ ապագան քվեարկության արդյունքի հետ չեմ կապում»,- ասել է նա:
Վարչապետը նաև ասել է, որ ճիշտ է համարում հանրաքվե անցկացնելը թույլ տալու որոշումը` ընդգծելով, որ Շոտլանդիան չի տեսնում Միացյալ Թագավորության կազմից դուրս, իսկ դրա բնակիչներին մաղթել է ճիշտ ընտրություն իրականացնել:
