Հայաստանում գործող լրատվական կայքերի վրա DDos հարձակումները «բարի ավանդույթ» են դարձել, որոնցից պաշտպանվելու իրավական մեխանիզմներ ևս կան: Իրավաբան, «Իրավունքի գերակայություն» ՀԿ համահիմնադիր Արա Ղազարյանն «Առաջին լրատվական»-ի հետ զրույցում նշեց, որ այստեղ խոսքը հանցագործության մասին է, կա նույնիսկ բաժին ոստիկանությունում, որ զբաղվում է կիբերհանցագործությամբ, և նրանք կարող են պաշտպանել: Քաղաքացին պետք է հանցագործության մասին հաղորդում տա, հետաքննություն անցկացվի, և եթե կան հիմքեր, կա հանցակազմ, սկսի գործել քրեական դատավարության իրավական պաշտպանության մեխանիզմը:
«Այդ իմաստով` մենք պաշտպանված ենք, այլ հարց է` դա արդյունավետ գործո՞ւմ է, թե՞ չի գործում. դա հարցի մյուս կողմն է, բայց իրավական մեխանիզմները կան: Այսօրվա դրությամբ հասարակական պահանջ չկա, որ կոնկրետ ոլորտ բարեփոխումների ենթարկվի, տեսեք` Ֆեյքերի մասին օրենքի դեպքում նույնիսկ հանրային քննարկումներ անցկացվեցին ԱԺ-ում, բայց հասարակությանը կարծես թե այդքան էլ չհետաքրքրեց, հիմնականում հետաքրքրեց պրոֆեսիոնալներին, լրատվադաշտին, լրագրողներին: Ի վերջո, որքան տեղյակ եմ, առաջարկվեց կասեցնել այն, այսինքն` կարելի է մտածել` հասարակական մեծ պահանջ չկա, գուցե կարելի է, ասենք, ԶԼՄ-ների մասին օրենքը բարելավել, բայց այդ օրենքը նույնիսկ այսօրվա պայմաններում գործում է, որովհետև այնտեղ լայն դրույթներ են ժամանակին սահմանվել, և այսօր ակտուալությունը պահպանվում է: Մեր հիմնական պրոբլեմը օրենքների կիրառումն է. պետք է ապահովել կիրառումը»,- ասաց նա:
Ղազարյանի խոսքով` լրատվական դաշտում ընդունելի է ինքնակարգավորումը, լրագրողն ինքը պիտի հետևի էթիկայի նորմերին` բացի օրենսդրական պահանջներից, որովհետև խախտումները հիմնականում էթիկայի դաշտից են, որ օրենքի համար «բռնելի չէ», այդ տարածք չի կարող մտնել օրենքը:
Մանրամասները` տեսանյութում:
