Մարտի 8-ի գիշերը` ժամը 24-ի սահմաններում, Շիրակի մարզի Փոքրաշեն գյուղի մոտակայքում «Օպել» մակնիշի մեքենայի վարորդը, ձյան և բքի պատճառով կորցնելով կառավարումը, դուրս է եկել ճանապարհի երթևեկելի հատվածից և քառասուն մետր խորությամբ գլորվել ձորը: Պատահարի արդյունքում թեթև մարմնական վնասվածք է ստացել ուղևորը` Սարգիս Մելոյանը: Մելոյանների «Օպել» մակնիշի ավտոմեքենան շահագործվել է արտասահմանյան պետհամարանիշներով: Մեքենան հաշվառումից դուրս բերելու համար մեկնել էին Վրաստան, որտեղից վերադարձել են Բավրայի անցագրային կետով: Վատ եղանակի՝ բքի ու ձյան պատճառով ճանապարհը պատված է եղել մերկասառույցով, նաև ցածր է եղել տեսանելիությունը: Հենց սա էլ, ըստ Ճանապարհային ոստիկանության 2-րդ սպայական գումարտակի կապիտան Գուրգեն Հովհաննիսյանի, վթարի պատճառ է դարձել։