Ընկերության գովազդային եկամուտների աճի վերաբերյալ կանխատեսումների ֆոնին երկուշաբթի Nasdaq-ում Google-ի արժեթղթերը պատմական ռեկորդ են սահմանել: Վաճառքի ընթացքում դրանք բարձրացել են 750,04 դոլարի՝ 1 թղթի դիմաց, իսկ փակման ժամանակ էժանացել մինչև 749,38 դոլար: Այս արժեթղթերի նախկին ռեկորդը սահմանվել էր 2007 թվականի նոյեմբերին՝ 1 արժեթղթի դիմաց 747,14 դոլար: 2009 թվականի ճգնաժամի ընթացքում Google-ի արժթղթերն իջել էին 300 դոլարից էլ ցած, սակայն 2012 թվականի սկզբից դրանց արժեքն աճել էր 16 տոկոսով,- գրում է Vedomosti-ն:
eMarketer ընկերության վերլուծաբանների կանխատեսումներով՝ տարվա արդյունքներով Google-ն ԱՄՆ-ում կդառնա բաներային օնլայն գովազդի շուկայի առաջատարը: Նրա եկամուտներն այդ հատվածում ամերիկյան շուկայում կաճեն 39 տոկոսով՝ հասնելով 2,31 մլրդ դոլարի:
