Երկուշաբթի` սեպտեմբերի 3-ին, Ստամբուլում գրանցվել է Թուրքիայում առաջին Twitter- հարսանիքը: Այս մասին հաղորդում է Today’s Zaman-ը:
Արարողությունն իրականացրել է շրջանի ղեկավար Մուստաֆա Կարան: Twitter-ի միջոցով նա հերթականությամբ հարցրել է հարսնացուին և փեսացուին, թե արդյոք պատրաստ են նրանք օրինական ամուսնության մեջ մտնել: Նորապսակները, որոնք նստել են պաշտոնյաների կողքին դրական են պատասխանել իրենց միկրոբլոգներում:
Դրանից հետո Մուստաֆա Կարան նորաստեղծ ընտանիքին վկայական է տվել, որը հաստատում է նրանց օրինական ամուսնությունը:
Արարողությանը հետևել է մի քանի հարյուր հյուր, որոնք նույն ռեստորանում են գտնվել նորապսակների և քաղաքապետի հետ:
