Հայաստանի ազգային ավիափոխադրող «Արմավիա» ավիաընկերությունը ուսումնասիրում և վերլուծում է իրադրությունը կապված այսօր մամուլում հայտնված լուրերի հետ, որ Սիրիական ազգային բանակի առաջնորդները սպառնացել են ոչնչացնել Հալեպի և Դամասկոսի օդային տարածքներում հատնված բոլոր օդանավերը, և ավիաընկերություններին զգուշացրել են երեքշաբթի օրվանից թռիչքներ չիրականացնել: Այս մասին «Առաջին լրատվական»-ին հայտնեցին «Արմավիայի» լրատվական ծառայությունից:
«Արմավիան» նաև դիմել է ՀՀ արտաքին գործերի նախարարություն, քանի որ համացանցում հայտնված ոչ բոլոր լուրերն են հավաստի:
Ավիաընկերությունից մեզ հայտնեցին, որ արդեն երկուշաբթի օրվանից թռիչքները նախատեսվում էր իրականացնել սովորական գրաֆիկով՝ շաբաթական մեկ անգամ:
