Համացանցի օգտատերերը ծաղրել են գրասենյակային ապրանք թողարկող BIC ընկերությանը վարդագույն և մանուշակագույն գրիչներ թողարկելու համար, որոնք, ըստ արտադրողի, «նախատեսված են հատուկ կանանց հարմարավետության համար»: Այդ մասին ասում է The Daily Telegraph-ը:
«Amazon» կայքում, որտեղ BIC-ը տեղադրել է գրիչների վաճառման հայտարարությունը, թողել էին բազմաթիվ սուր մեկնաբանություններ: Ինչպես գրել էր հաճախորդներից մեկը « «BIС for her»-ը գնելուց առաջ ես ոչնչով աչքի չէի ընկնում: Այն կանացից մեկն էի, ով օգտագործում էր ամեն տեսակի մեծ, տղամարդկային գրիչներ, սակայն այժմ ողջ աշխարհն իմ շուրջ փոխվել է»:
Ֆեմինիստական Jezebel կայքում կին օգտատերերից մեկը նախազգուշացրել է, որ BIC-ը սպառնում է տղամարդկանց իրավունքների պաշտպաններին, քանի որ ընկերությունը չի թողարկել «BIC for him» գրիչները:
Մեկ ուրիշ հաճախորդ նշել է, որ այն ժամանակից ինչ սկսել է օգտագործել այս գրիչները, տղամարդիկ իրեն համարում են ավելի հրապուրիչ:
